له‌دیارده‌یه‌كی‌ زۆر سه‌یر و نامۆدا خێزانێكی‌ سـوریایی له‌دیمه‌شقی پایته‌ختی‌ ئه‌و ووڵاته‌ ئاهه‌نگی‌ ماره‌ بڕینی‌ ( خـالـد / 5 ساڵ ) و ( هـالـه‌ / 3 ساڵ ) یان به‌ڕێوه‌ برد .
ئه‌مه‌و وابڕیاره‌ كه‌له‌پـاش ( 10 ) ساڵی‌ تر ئاهه‌نگی‌ گواستنه‌وه‌ی‌ ئه‌و بووكـه‌ نازدار و منداڵه‌ به‌ڕێوه‌ بچـێت و به‌وه‌ش ئه‌و دوو منداڵه‌ سوریاییه‌ بوونه‌ بچووكترین و منداڵترین بووك و زاوای‌ جیهان و ناویان چوونه‌ نێو كتێبی كینسی‌ پێوانه‌ جیهانیه‌كانه‌وه‌ .
دایكی‌ خالد كه‌هه‌ستابوو به‌ڕێكخستن و ئاماده‌كاریی ئه‌و ئاهه‌نگه‌ توانیی سه‌رنجی‌ ته‌واوی‌ ئاماده‌بووه‌كان بۆ لای‌ خۆی‌ ڕابكێشێت, هه‌روه‌ك هه‌مووان به‌ڕه‌فتار ومامه‌ڵه‌ی‌ سه‌یر و سه‌رنج ڕاكێشی‌ بووك و زاوا منداڵه‌كه‌ش سه‌رسام بوون, كه‌هه‌روه‌ك بووك و زاوایه‌كی‌ تێر و ته‌واو و كامڵ مامه‌ڵه‌ و ڕه‌فتاریان ده‌كرد .

جێگری‌ وه‌زیری‌ ده‌ره‌وه‌ی‌ قه‌واره‌ی‌ جوله‌كه‌ – دانی‌ ئیالۆن – له‌سه‌ر دوانگه‌ی‌ كنیستی‌ جوله‌كه‌ ڕایگه‌یاند كه‌حكومه‌ته‌كه‌ی‌ به‌هیچ شێوه‌یه‌ك داوای‌ لێبوردن له‌توركیا ناكات له‌سه‌ر ڕووداوه‌كه‌ی‌ سه‌ر كه‌شتیگه‌لی‌ مه‌ڕمه‌ڕه‌, ئه‌وه‌ش به‌پێی‌ پێگه‌ی‌ – المستوطنین 7 - .
ئیالۆن ووتیشی : پێویسته‌ ئه‌وه‌ له‌خشته‌ی‌ كاره‌كانمان لابه‌رین و ئه‌وه‌شی‌ كه‌له‌كه‌ناڵه‌كانی‌ ڕاگه‌یاندنه‌وه‌ باسی لێوه‌ده‌كرێت كه‌ناتانیاهۆ ده‌یه‌وێت ئه‌و ناكۆكیانه‌ له‌گه‌ڵ لایه‌نی‌ توركیدا یه‌كلایی بكاته‌وه‌ ته‌نها قسه‌ی‌ بێ بنه‌مایه‌و هیچی تر و منیش به‌رپرسیاری‌ ئه‌و هه‌واڵانه‌ نیم .

باوکم موالیدی ساڵی (١٩٢٠) بوو، تا شه‌شه‌می سه‌ره‌تایی سه‌رده‌می خۆی خوێندبوو. خوێنده‌وارییه‌که‌ی باش بوو،ھه‌موو کتێبێکی کوردی، ته‌نانه‌ت ڕۆژانه‌ قورئان و کتێبه‌ ئاینییه‌کانیشی ئه‌خوێنده‌وه‌. ھێنده‌ی له‌ یادم بێت نوێژی نه‌چووه‌، ھه‌موو ڕه‌مه‌زانان به‌ڕۆژو ئه‌بوو. ساڵانه‌ زه‌کات و سه‌ر فتره‌ی ئه‌داو حه‌جیشی کردبوو. به‌پێی سه‌رده‌می خۆشی تێکه‌ڵاوییه‌کی باشی له‌گه‌ڵ مه‌لاو پیاوانی ئاینی ھه‌بوو. بۆیه‌ شاره‌زاییه‌کی باشی له‌ئاینی ئیسلامدا ھه‌بوو.

تیمێكی كرێكارانی چینی توانییان هۆتێلێكی 15 نهۆمی له‌ ماوه‌ی كه‌متر له‌ یه‌ك هه‌فته‌دا ته‌واو بكه‌ن، هۆتێلێكه‌ له‌ ناوجه‌رگه‌ی شاری (شانگ شه‌ی) چینه‌ و بووه‌ ده‌سكه‌وتێكی تری چینییه‌كان.

شارێكی ئیتاڵیا به‌نیازه‌ له‌به‌ركردنی ته‌نووره‌ی كورت قه‌ده‌غه‌ بكات.
به‌پێی ئاژانسی هه‌واڵی بی بی سی، شاری “كاستێلا ماری دێ ئیستابیا” كه‌ ده‌كه‌وێته‌ باشووری كه‌نداوی ناپۆلی ئیتاڵیا، كه‌ڵك له‌و ده‌سه‌ڵاتانه‌ وه‌رده‌گرێت كه‌ حكومه‌تی رۆما بۆ به‌ره‌نگاربوونه‌وه‌ی دیارده‌ ناكۆمه‌ڵایه‌تیه‌كان به‌ سه‌رۆك شاره‌وانیه‌كانی به‌خشیوه‌ و وه‌ك یه‌كه‌م هه‌نگاویش به‌نیازه‌ له‌به‌ركردنی ته‌نووره‌ی كورت قه‌ده‌غه‌ بكات.

له‌ مێژووی ١٥-١٠-٢٠١٠ له‌ وڵاتی سویسرا کۆتایی هات به‌ درێژترین تونێل له‌ جیهاندا که‌ ٥٧ کم درێژیه‌که‌یتی ٢٠٠٠ مه‌تر له‌ ژێر زه‌وی دا، سویریه‌کان شانازیه‌کی گه‌وره‌ ده‌که‌ن که‌ ڕۆژی هه‌ینی توانیان بگه‌نه‌ دوا خاڵی سه‌ری ئه‌وسه‌ری تونێله‌که‌ که‌ بریتیه‌ له‌ درێژترین تونێل له‌ جیهاندا، ئه‌م تونێله‌ دڵی چیاکانی ئه‌ڵپی بڕیوه‌ به‌ واتای به‌ ناو چیاکانی ئه‌ڵپدا ئه‌ڕوات، گۆتار ناوی ئه‌م تونێله‌یه‌، ١٥ ساڵی خایاند دروست

ئاشتی هه‌ورامی وه‌زیری سامانه‌ سروشتیه‌كان به‌ هاورێیه‌تی له‌گه‌ڵ نێچیره‌ڤان بارزانی  سه‌ردانی توركیا ده‌كات و وته‌بێژی حكومه‌تیش بێئاگایی خۆی له‌و سه‌ردانه‌ ده‌رده‌برێت.

وه‌زاره‌تی‌ په‌روه‌رده‌ و فێركردنی‌ ئیسرائیلی بڕیاریدا كه‌له‌مه‌ودوا له‌ته‌واوی‌ قوتابخانه‌ سه‌ره‌تاییه‌كانی‌ ئیسرائیلدا زمانی‌ عه‌ره‌بی بخوێندرێت, ئه‌وه‌ش له‌سه‌ره‌تای‌ ئه‌مساڵی‌ خوێندنه‌وه‌ ده‌بێت .
ئه‌و هه‌نگاوه‌ی‌ وه‌زاره‌ته‌ ئیسرائیلیه‌كه‌ له‌نێو ئه‌و پڕۆژه‌یه‌وه‌ سه‌رچاوه‌ی‌ گرتووه‌ كه‌به‌ر له‌چه‌ند ساڵێك له‌ئێستا و به‌ناوی‌ پڕۆژه‌ی‌ پێكه‌وه‌ ژیانی‌ " عه‌ره‌بی – یه‌هودی‌ " ی‌ هاوبه‌شه‌وه‌ ڕاگه‌یه‌نرا .

وه‌زاره‌تی‌ خوێندنی‌ ئه‌ڵمانی‌ ڕایگه‌یاند كه‌له‌مه‌ودوا و بۆ یه‌كه‌مینجار له‌ " 3 " سـێ زانكۆی‌ ئه‌ڵمانیدا وانـه‌ی‌ ئیسلامی ده‌خرێته‌ ناو پڕۆگرامه‌كانی‌ خوێندنه‌وه‌ .
" ئه‌نیته‌ شافان " ی‌ وه‌زیری‌ توێژینه‌وه‌ زانستیه‌كانی‌ ئه‌ڵمانیا له‌كۆنگره‌یه‌كی‌ ڕۆژنامه‌وانیدا له‌به‌رلین په‌رده‌ی‌ له‌سه‌ر خوێندنی‌ وانه‌ی‌ ئیسلامی هه‌ڵدایه‌وه‌ له‌و زانكۆیانه‌دا ( قورئان و فیقه و زانستی‌ مه‌نتیق و په‌روه‌رده‌ی‌ ئیسلامی‌ ) , جگـه‌ له‌ مه‌شقپێكردنی‌ ئیمام و پێشنوێژان و خوێندنی‌ فیـكری‌ ئیسلامی‌ به‌شێوه‌یه‌كی‌ دوور له‌ووته‌ی‌ دوژمنانی‌ ئیسلام و واش بڕیاره‌ كه‌له‌سه‌ره‌تای‌ ساڵی‌ – 2011 – ه‌ وه‌ هه‌ر یه‌كه‌ له‌زانكۆكانی‌ شاره‌كانی‌ " ئۆسنابروك " و " مونستر " و " ئیرلانجین " و " توبینجین " ده‌ست به‌خوێندن و توێژینه‌وه‌ ئیسلامیه‌كانیان بكه‌ن .

دوای‌ ئه‌وه‌ی‌ هه‌رسێ‌ لایه‌نی‌ موعاڕه‌زه‌ی‌ كوردستان گۆڕان و یه‌كگرتوو و كۆمه‌ڵ به‌یانێكیان ده‌ركردوو ڕایانگه‌یاند گه‌ر بێت و پارتی‌ و یه‌كێتی‌ په‌شیمان نه‌بنه‌وه‌و كۆمیسۆنی‌ باڵاش به‌ته‌وافوقی‌ پێكنه‌هێنرێت ئه‌وا ئه‌وان له‌ هاوپه‌یمانی‌ كوتله‌ سیاسیه‌كان ده‌كشێنه‌وه‌، پارتی‌ و یه‌كێتی‌ ترسیان بۆ دروست بۆیه‌ ئه‌و دوو حیزبه‌ بڕیاریانداوه‌ كه‌ ئه‌و داوایه‌ی‌ به‌ره‌ی‌ موعاڕه‌زه‌ جێ‌ به‌جێ‌ بكه‌ن.

كۆمپانیایه‌كی‌ هونه‌ریی توركی‌ ته‌واو بوونی‌ وێنه‌گرتن و كاره‌ هونه‌رییه‌كانی‌ فلیمێكی‌ سینه‌مایی له‌باره‌ی‌ ڕه‌فتار و كاره‌ دڕندانه‌كانی‌ سوپای‌ ئیسرائیله‌وه‌, به‌تایبه‌تی‌ په‌لاماردانه‌كه‌ی‌ بۆ سه‌ر كه‌شتیگه‌لی‌ ئازادیی توركی‌ ڕاگه‌یاند .
ناوه‌ندی‌ فه‌له‌ستینی‌ بۆ ڕاگه‌یاندن له‌به‌رپرسێكی‌ كۆمپانیای‌ – بانا فیلم – ه‌ وه‌ بڵاویكرده‌وه‌ كه‌ : وێنه‌گرتنه‌كانی‌ ئه‌و فلیمه‌ كه‌ناوی‌ " دۆڵی‌ گورگوكان – فه‌له‌ستین " ی‌ لێ‌ نراوه‌ له‌سه‌ر كه‌شتیگه‌لی‌ " مه‌ڕ مه‌ڕه‌ " له‌سه‌ره‌تای‌ مانگی‌ تشرینی‌ یه‌كه‌مه‌وه‌ ده‌ستمان پێكردووه‌ له‌كه‌ناراوه‌كانی‌ ئه‌سكه‌نده‌روونه‌ی‌ باشوری‌ توركیا .

چوار هاووڵاتی‌ شیشانی‌ ئه‌وه‌یان ڕه‌تكرده‌وه‌ كه‌له‌گه‌ڵ تیمه‌كانی‌ حه‌جی‌ ووڵاته‌كه‌یاندا و به‌ڕێگاكانی‌ ووشكانی‌ و ئاسمانی‌ بۆ شانشینی‌ سعـودیه‌ به‌ڕێ بكه‌ون بۆ ئه‌نجامدانی‌ فه‌ریزه‌ی‌ حه‌جی‌ ئه‌مساڵ و بڕیاریانداوه‌ كه‌ به‌ " پــێ‌ " بچن بۆ حـه‌ج و به‌هه‌زاران كیلۆمه‌تر به‌پێ ڕێگا ببڕن .
به‌پێی‌ ئه‌و هه‌واڵه‌ی‌ كه‌ڕۆژنامه‌ی‌ " الریاض " ی‌ سعودی‌ بڵاویكردووه‌ته‌وه‌, ئه‌و چوار حاجیه‌ شیشانیه‌ گه‌یشتوونه‌ته‌ ئوردون و چه‌ند ڕۆژێكیشه‌ ئه‌وێیان به‌ره‌و سعودیه‌ جێهێشتووه‌ و به‌ناوچه‌ی‌ ته‌بوكدا به‌ره‌و شوێنه‌ پیرۆزه‌كان به‌ڕێ كه‌وتوون .
ئه‌مه‌و " ورایوفا جبرائیل " ی‌ حاجیی شیشانی‌ خۆشحاڵیی زۆری‌ خۆی‌ و هاوڕێكانی‌ – التمیروف شعران , فیتایوفا فخروالدین , شیایوفا ویسمرد – ده‌ربڕی‌ و سوپاسی خـوای‌ گه‌وره‌ی‌ كرد كه‌ئاواته‌كه‌ی‌ هێنانه‌ دی‌ به‌وه‌ی‌ كه‌له‌ووڵاتی‌ خۆیانه‌وه‌ به‌پێ ڕۆیشتن بێنه‌ ووڵاتی‌ سعودیه‌ و شوێنه‌ پیرۆزه‌كان .

دارا جاف: پیره‌ مه‌گروون
شه‌وی رابردوو له‌ نزیك شارۆچكه‌ی پیره‌مه‌گروون به‌هۆی سوتانی ته‌نكه‌رێكی سوته‌مه‌نی گواستنه‌وه‌ شۆفێره‌كه‌ی گیانی له‌ده‌ستداو ته‌نكه‌ره‌كه‌ش به‌ته‌واوی سوتاوه‌.

دوو سه‌ركرده‌ی‌ دیاری‌ هه‌ریه‌كه‌ له‌پارتی‌ " سۆسیالیست " و " سه‌وز " ی‌ ئه‌ڵمانیا له‌لێدوانێكی‌ ڕِۆژنامه‌نوسیدا ڕایانگه‌یاند كه‌ " زۆر پێویسته‌ دان به‌ئایینی‌ ئیسلام وه‌ك ئایینێكی‌ ڕه‌سمیی ووڵاتدا بنرێت " و پێشیان وابوو كه‌ئه‌وه‌ش ئاماژه‌یه‌كی‌ زۆر گرنـگ ده‌بێت بۆ موسوڵمانان و ده‌كرێـت له‌و ڕِێیه‌وه‌ هه‌ستی‌ پیرۆزبایی و قه‌بوڵكردنی‌ موسوڵمانان له‌كۆمه‌ڵگای‌ ئه‌ڵمانیدا بهێنرێته‌ ئاراوه‌ .

خانمە ئەكتەری میسری سوهێر رەمزی دووپاتی كردەوە كە زۆر شەرم لە خۆی دەكاتەوە و هەست بە ناخۆشی و پەشیمانی دەكات كاتێك دیمەنە وروژێنەر و سەرنجڕاكێشە كۆنەكانی خۆی دەبینێتەوە، چونكە گشت دیمەنەكان راستەقینەن و فێڵی سینەمایی نین وەك خەڵك هەست دەكات، هەروەها زۆریش پەشیمانە لەوەی قوربانی بە دایكایەتی داوە لەپێناو خۆویستن و خۆشەویستی بۆ ناوبانگ دەركردن.

KudishKey&FontConvert

حاجیه‌ – رفـقه‌ أحمد أبو مرسـه‌ – ی‌ ناسراو به‌ ( أم خالد ) كه‌پیره‌ژنێكی‌ فه‌له‌ستینیه‌ توانیی له‌ ته‌مه‌نی‌ " 74 " ساڵه‌ییدا ته‌واوی‌ قورئانی‌ پیرۆز له‌به‌ر بكات و ئاواتی‌ دێرینی‌ بێنێته‌ دی‌ .

كچێكى توركى توانیویه‌تى به‌شێوه‌یه‌كى زۆر سه‌یرو له‌ماوه‌یه‌كى زۆر كورتدا هه‌موو قورئانى پیرۆز ئه‌زبه‌ر بكات و برِوانامه‌یه‌كى به‌رزیش وه‌ربگرێت.

ئه‌و وێنانه‌ی ده‌یان بینن وێنه‌ی ئه‌ستێره‌ی هۆڵییوود ئه‌نجیلینا جولین كه‌تێیدا یارمه‌تی ئه‌و هاووڵاتییانه‌ی پاكستان ده‌كات كه‌به‌هۆی لافاوه‌كه‌ی ئه‌مدواییه‌وه‌، ئاواره‌بوون.

له‌قه‌زای داقوق هاووڵاتیه‌ك به‌ ناوی ئه‌حمه‌د ره‌شید 8 ژنی هێناوه‌و 37 كوڕی لێیان بووه و ئێستا له‌ نه‌وه‌ی خۆی گوندێكی 30 ماڵی پێكهێناوه‌.
ئه‌و هاووڵاتیه‌ به‌ ره‌گه‌ز عه‌ره‌به و گونده‌كه‌ی سه‌ر به‌قه‌زای داقوقه‌، 8 ژنى ‌هێناوه كه‌ ئێستا چواریان له‌لای ماونه‌ته‌وه‌و چواریان مردوون و جیابوونه‌ته‌وه‌ لێی.